మేడారం జాతర అధికారిక వెబ్​సైట్​ ప్రారంభం-2022

మేడారం జాతర గురించి పలు వెబ్​సైట్లు తప్పడు సమాచారం ఇస్తున్నాయని ఆదివాసీ ప్రధాన పూజారి అరుణ్ కుమార్ అన్నారు. ఈ నేపథ్యంలో ప్రజలకు మెరుగైన సమాచారం అందించడం కోసం అధికారికంగా ఓ వెబ్​సైట్​ను ములుగు ఎమ్మెల్యే సీతక్కతో కలిసి ప్రారంభించారు.

మేడారం జాతర గురించి ఆదివాసీ పూజారులు అధికారికంగా www.medaramtemple.com వెబ్​సైట్​ను ఏర్పాటు చేశారు. ఆ వెబ్​సైట్​ను ములుగు ఎమ్మెల్యే సీతక్క ప్రారంభించారు. మేడారం గురించి వివిధ వెబ్​సైట్లలో తప్పుడు సమాచారం ఉంటుందని, ఆ సమగ్ర సమాచారం అర్ధ సత్యాలతో కూడినదని ఆదివాసి పూజారులు తెలిపారు.

ఆ పరిస్థితికి చరమగీతం పాడాలనే ఉద్దేశంతో ఈ వెబ్​సైట్​ను ఏర్పాటు చేశామన్నారు. మేడారం జాతరకు సంబంధించిన సమాచారం అందులో ఉంచుతామని ఆదివాసి ప్రధాన పూజారి అరుణ్ కుమార్ పేర్కొన్నారు. పూజారుల సంఘం తరుపున మెరుగైన సమాచారం ప్రజలకు అందించాలనే ఉద్దేశంతో ఇది ఏర్పాటు చేస్తున్నామని అన్నారు.

మేడారం జాతర గురించి ఆదివాసీ పూజారులు అధికారికంగా వెబ్​సైట్​